أخر تحديث : الجمعة 6 أكتوبر 2017 - 5:00 مساءً

Mayemmi tmijja n Arrif ur ttiwed’ ci ghar dduwal d tmura n umad’al

Muḥemmed Ayyubi. 

Tmijja n Arrif war tewwid’ ghar tmura n umad’al, waxxa cemxent lmud’aharat d ibeddiyen di Uruppa, ur jjin bu l3asima war ghars rih’en, ur degs ggin lmud’aharat ; zi Madrid d Barcelona di Spanya ; ghar Paris d Strasbourg di Fransa ; zi Bruxelles d Amsterdam d Den Haag di Benelux ; ghar Frankfurt d Dusseldorf deg Uliman.

Maca waxxa ammen, tmijja n Irifiyen teqqim x tmawin waha, ur tewwid’ ci ghar lmerkez n lqarar n dduwal n Uruppa h’uma ad ziyyaren Lmeghrib d ddewla ta3urubit n ccurfa, ad dd yessufegh inekraf n Arrif zi rehbusat n ddedj, u ad yessbedd ljarimat ines di Arrif ad iheqqeq tiseqqar minxef yettmengha weydud Arifi.

ONU n New York d CDH n Genève

Stéphane Dujarric, Abughaw afransis yessawaren s yisem n Tmura imunen ONU di New York, yessghed yejjme3 ires ines, xmi das tteggen ijurnalisten iseqsiqiyen yessghuda s marra irsawen n umadal.

Ura d arrayes n Wegraw n tesghart n bnadem n ONU di Genève, a3rab Zeid Ra’ad Al Hossein, ur yent’iq ura s ij n wawar x ljarimat i yegga Lmeghrib di Arrif, maca ghir yewqe3 lqem3 di Katalunya yettar ad ggen ttehqiq, x lpulis i yewwtin aydud akatalani i yettettaren listiqlaln Katalunya.

Ddalil x manaya d tteqrir i inaqec Lmeghrib d uwzir ines n tesghart n bnadem Mustafa Ramid di wegraw n tesghart n bnadem n ONU di Genève di ddewra ines wis 26, ura d ijj n ddewla zi tmura n umad’al ma tessiwer x Arrif nigh tedkar it id.

Mara nekkes lmuneddamat n tesghart n bnadem deg umadal am HRW d Amnesty international. Ura d tina kkint ktar zi 6 ituren sseghdent x Arrif ar wami ttwaziyyarent nfed’h’ent minzi ira yextareq itent lmeghrib huma ad sseghdent. S manaya minzi zziyar d wefd’ah d asebh’an.

Amnesty d HRW

Ira teggi tt qber ura d Amnesty n Lmeghrib d Amsterdam qber ma ad ten dd nefd’eh’ ; nnan ak war dd tsekkim bu les e-mails x Arrif d inekraf ines, arami ten dd nfedh’en 3ad i ssenhezzen aje3bub nsen x Arrif d inekraf n Arrif minzi ira yesghi ten rmexzen ufitar huma ad sseghden zi 28 octobre 2016 ; war dd ggin lbayan amezgaru ar 03 juin 2017. Yina war ssinen mghir zziyar waha…

Amnesty ira tenna di le rapport ines n 2016, lmudaharat n tagrawla n Arrif beddent 4 n wussan zi nghin Muhsin Fikri, minzi ira rxedmet nsen zi yettef lmudir nsen n Lmeghrib tin3acin zi Ilyas el Omari n PAM ira d timegga n ukeccud di tjarrayt n ttedwil n lqadiyya n Arrif, 3awed ur nettettu ci ira tamghart ines d nnayba n lmudir n Amnesty n Lmeghrib i dd yettwagedhen rux deg umadal ammen yekkmer. Mri ur yedji d zziyyar d wefdah nsen ataf 3ad rux sseghden amux sseghdent marra dduwal n umadal x ljarimat i yettegg rmexzen di Arrif di le rapport n le conseil des droits de l’homme n les Nations Unies di Genève, minzi gharsen lmasalih ag Lmeghrib u Irifiyen ur wwiden ci ad ggen zziyar x dduwal nsen mani tti3icen di Uruppa, waxxa tteggen daysent lmudaharat.

Ddiplumasiya tarifit d lobby arifi 3ad war yewwid ad yegg lmuhimma ines nican, arni xas llijan nni tewqe3asen am amnesty n Lmeghrib, yezzu degsent lpam iwdan ines s tanuffra xeddment agenda nsen amux qqaren yenni yeffghen zi ttensiqiyya n Uruppa.

Arrif 3ad war ghars ura d ij n tmesmunt n tesghart n bnadem gha idaf3en x tirelli n inekraf n tagrawla n Arrif d lqadiyya n Arrif ghar le Conseil des droits de l’homme n ONU d lberlaman n Uruppa ad ziyyaren dduwal n l3alam huma ad yessbedd Lmeghrib ljarimat ines di Arrif, ad yarxu i inekraf n Tagrawla n Arrif i yettmenghan x tseqqar n weydud arifi.

Yettghima useqsi ameqran: Mayemmi tmijja n Arrif ur ttiwed’ ci ghar dduwal d tmura n umad’al? Maghar Irifiyen n Arrif d Uruppa d Umad’al war smunen array nsen, ad smunen ixem nsen, ad nedd’men ixef nsen s ixef nsen h’uma ad ssiwd’en tmijja nsen ghar dduwal d tmura n umad’al amux das tteggen marra regnus i yetteh’taramen ixef nsen, ttawin dd Tirelli d r3ezz i ixef nsen d Tmurt nsen?

أوسمة :